Isinuko ni Albuera Mayor Rolan “Kerwin” Espinosa ang kanyang mga hindi lisensyadong baril sa lokal na kapulisan bilang pagtalima sa direktiba ng mga awtoridad at pagpapakita ng pagsunod sa batas.
Ayon kay Espinosa, agad niyang ibinigay ang mga naturang armas nang walang pag-aalinlangan matapos manawagan ang pulisya kaugnay ng pagsuko ng mga loose firearm upang patunayan ang kanyang pagiging responsableng mamamayan.
Nilinaw naman ng alkalde na pananatilihin niya ang kanyang lisensyadong baril na gagamitin para sa personal na proteksyon laban sa mga posibleng banta sa kanyang buhay bilang pinuno ng bayan ng Albuera.
Hindi tinukoy ng opisyal ang eksaktong bilang o uri ng mga baril na kanyang isinuko sa mga awtoridad.
Naganap ang pagsusukong ito kasunod ng pinaigting na kampanya ng kapulisan laban sa mga loose firearm at pagpapatupad ng tamang rehistrasyon matapos ang mga insidente ng pamamaril na kinasangkutan ng mga estudyante at paggamit ng mga armas ng gobyerno.
