Umalma si Manila 6th district Rep. Benny Abante sa naging puna ni Davao City Vice Mayor Sebastian “Baste” Duterte na “PR stunt” lamang ni Pang. Ferdinand Marcos Jr. ang pagsilip sa anomalya sa flood control projects.
Hinamon ni Abante si Vice Mayor Duterte na tanungin niya ang kanyang kapatid na si Davao City Rep. Paolo Duterte.
Partikular kung magkano o ilang bilyong piso ang nakuhang pondo para sa flood control projects noong panahon ng kanilang ama na si dating Pang. Rodrigo Duterte.
Dagdag ni Abante, saan at papaano ginamit ni Cong. Polong ang pondo, at kung bakit malaki pa ang problema sa baha sa Davao.
Giit pa ni Abante, mabuting patunayan na lamang ni VM baste na PR stunt ang pagsisiyat sa isyu ng flood control.
Una ng umalma ang Palasyo sa naging pahayag ng bise alkalde.
