300-K sundalo ng NATO inilagay sa high alert

Inilagay sa high alert ng North Atlantic Treaty Organization (NATO) ang nasa 300,000 na sundalo.

Ang nasabing hakbang ay bilang paghahanda sa patuloy na pag-atake ng Russia sa Ukraine.

Sinabi ni NATO Secretary-General Jens Stoltenberg na dahil sa paglusob ng Russia sa Ukraine ay napilitan ang Sweden at Finland na mag-apply ng kanilang membership sa NATO.

Iginiit pa nito na umatras ang Russia sa makailang beses na panawagan ng NATO ng pag-uusap ng ilang taon.

Mas pinili pa aniya ng Russia ang komprontasyon imbes na dialogue kaya mas maigi aniya na ialerto ang mga sundalo.