27 patay ng mahulog ang bus sa bangin sa Mexico

Nasa 27 katao ang nasawi matapos na mahulog sa bangin ang sinakyan nilang bus sa Oaxaca sa Southern Mexico.

Ang mga nasawi ay 13 babae at 13 lalaki at isang sanggol na lalaki.

Sugatan din sa aksidente ang 21 iba pang katao kung saan 12 sa kanila ay nasa kritikal na kalagayan.

Galing sa Yosondua ang bus at patungo sana ito sa Mexico City ng mangyari ang aksidente.