Aabot sa kabuuang 20 test takers ang nakapasa sa nakalipas na special professional licensure examination for mechanical engineers na isinagawa ngayong buwan.
Ito ay kinumpirma mismo ng Professional Regulation Commission.
Ayon sa komisyon, ang twenty test takers na pumasa ay mula sa kabuuang 74 na kumuha ng pagsusulit.
Ang pagsusulit ay ibinigay ng Board of Mechanical Engineering sa mga test centers sa Abu Dhabi at Dubai, United Arab Emirates; Al-Khobar, Jeddah at Riyadh, Saudi Arabia; Doha, Qatar; Manama, Bahrain; Salmiya, Kuwait; Singapore; at Taipei, Taiwan.
Iniulat naman ng Professional Regulation Commission na walang pumasa sa certified plant mechanics special professional licensure examination na ibinigay ng Board of Mechanical Engineering sa parehong mga test centers.
