-- Advertisements --
ILOILO CITY – Patay ang isang miyembro ng Citizen Armed Force Geographical Unit (CAFGU) habang sugatan ang kaniyang dalawang kasamahan matapos pagbabarilin ang kanilang detachment sa Barangay Igbucagay, Hamtic, Antique.
Sa eksklusibong panayam ng Bombo Radyo Iloilo kay Capt. Kim Apitong, Officer in Charge ng Division Public affairs Office (DPAO) ng 3rd Infantry Division ng Philippine Army, sinabi nito na nag-iigib ng tubig ang mga CAFGU nang bigla silang atakehin ng limang mga suspek.
Kaagad namang isinugod sa ospital ang mga nasugatan.
Hindi na naisalba ang isa sa mga biktima.
Nagkasa na ng imbestigayon ang Philippine Army ukol sa insidente.
