-- Advertisements --
Muling naghari ang Filipino Olympian at gymnast na si Carlos Yulo sa floor exercise event ng 2023 Asian Gymnastics Championships sa Singapore.
Umiskor si Yulo ng 15.300 puntos sa finals para makuha ang gintong medalya.
Pumangalawa si Dmitriy Patanin ng Kazakhstan na may 14.366 habang umiskor si Weide Su ng China ng 14.333 para pumangatlo.
Ito ang ikalawang medalya ni Yulo sa mga kampeonato ngayong taon dahil umani na siya ng silver sa all-around event.
Nanalo rin si Yulo ng gintong medalya sa Asian championships noong 2022.
