Naging malaking hamon para sa atleta ng Ukraine na lumalahok ngayon sa Winter Paralympics.
Ito kahit nagwagi sila ng siyam na medalya sa dalawang biathlon events.
Isa rin sa mga manlalaro ang nalungkot matapos na malaman na ang kaniyang ama ay inaresto ng mga sundalo ng Russia.
Hindi na itinuloy ng 19-anyos na si Anastasiia Laletina ang kaniyang biathlon middle distance sitting race ng mabalitaan ang pagka-aresto ng kaniyang ama ng mga sundalo ng Russia.
Kahit na mayroong nagaganap na pananakop ng Russia sa Ukraine ay mayroon na silang dalawang gold, apat na silver at tatlong bronze medals sa nagpapatuloy na torneo sa Beijing China.
Sa kasalukuyan ay nasa pangalawang puwesto ang Ukraine team na mayroong anim na gold habang una ang host country na China na mayroong walong gold medals.
May tsansa pa na madagdagan ang medalya ng Ukraine dahil sa pagsabak nila ng cross-country sprint races ngayong araw at biathlon events sa Biyernes.
