Ilang oras lamang matapos maitala ng Morocco ang pinakamabilis na goal sa torneo, binuwag agad ng Paraguay ang record.
Sa loob ng 64 segundo, nakapuntos ang midfielder na si Matías Galarza sa pamamagitan ng malakas na sipa mula sa labas ng penalty area.
Umabot sa 60,000 katao ang nanood sa laban na ginanap sa San Francisco Bay Area Stadium.
Gayunman, bago matapos ang unang half ay muntikang nanganib ang Paraguay matapos ma-red card ang striker na si Miguel Almirón sa stoppage time (45+3) dahil sa komprontasyon kay Mert Müldür ng Turkey.
Sa ikalawang half, pinilit ng Turkey na makabawi, hawak ang 80% possession at nagpakawala ng 32 shot attempts sa pangunguna nina Arda Güler at Kenan Yıldız.
Subalit lahat ng ito ay napigilan ng Paraguayan goalkeeper na si Orlando Gill, hanggang sa tuluyang natapos ang laban.
Dahil sa pagkatalong ito, opisyal nang na-eliminate ang Turkey sa World Cup matapos makakuha ng zero puntos sa dalawang sunod na laro, dahilan upang sila ang maging ikalawang koponan na natanggal sa torneo kasunod ng Haiti.
Ang Paraguay naman ay nakapagtala ng 3 puntos at nananatiling may tsansa para sa knockout stage sa FIFA World Cup 2026.
