Nanawagan ang mga transport group kay Pangulong Marcos na ibalik ang nasuspindeng Land Transportation Franchising and Regulatory Board (LTFRB) chairman na si Teofilo Guadiz, na tinawag siyang “saving grace” ng administrasyong Marcos.
Sinabi ng ilang transport leaders na si Guadiz, na nasuspinde sa mga alegasyon ng katiwalian, ay ibinalik ang tiwala ng transport stakeholders sa LTFRB.
Matatandaan na nagsagawa ng rally ang Pasang Masda, Busina, Altodap, ACTO, Stop & Go, UV Express at LTOP para suportahan si Guadiz matapos sabihin ng isang dating empleyado ng LTFRB na hindi bababa sa P5 milyon ang binabayaran kapalit ng pag-apruba ng prangkisa o pag-secure ng mga ruta at mga special permit mula sa ahensya.
Si Jeff Tumbado, ang dating head executive assistant ng Guadiz, ay binawi ang kanyang pahayag ukol sa nasabing alegasyon kay Guadiz.
Giit ng mga transport leaders na may kredibilidad at kakayahan si Guadiz bilang hepe ng LTFRB at pamunuan ang mga patakaran para sa transportasyon ng bansa.
