‘This has gotta stop’ protest song kaugnay ng COVID-19 vaccination, inilabas ni Eric Clapton

Mistulang sa isang awitin ibinulalas ng singer na si Eric Clapton ang kanyang anti-vaccine sentiments.

Kasunod na rin ito ng pag-release ng sikat na singer ng kanyang bagong single kaugnay ng kanyang pagkotra sa covid vaccines at restrictions.

Ang bagong awitin ng legendary rocker at guitarist ay pinamagatang “This Has Gotta Stop.”

Sinasabing social justice-like protest ang awitin base sa lyrics at visuals nito.

Ang chorus ng kanta ay “This has gotta stop, enough is enough / I can’t take this BS any longer / It’s gone far enough, you wanna claim my soul / You’ll have to come and break down this door.”

Si Clapton ang nagpasikat sa mga awiting “Wonderful Tonight,” “Tears In Heaven,” “I Shot the Sheriff” at marami pang iba.