Ipinagmamalaki ng pamahalaang lokal ng Taguig dahil sila ang kauna-unahang siyudad sa National Capital Region (NCR) na nabigyan ng lisensiya para sa kanilang dalawang health centers ito ay ang Calzada Health Center at Hagonoy Health Center na mag-operate bilang Primary Care Facilities (PCF), nuong Lunes, July 25,2022.
Ang newly-licensed centers ay ang kauna-unahan sa Taguig at sa buong Metro Manila.
Batay sa lisensiya na iginawad ng Department of Health (DOH) sa Taguig ang Hagonoy Health Center at Calzada Health Center ay mag operate bilang Primary Care Facilities hanggang December 31, 2024.
Ayon sa Universal Health Care Act o Republic Act No. 11223, responsibilidad ng DOH ang pagbibigay ng mga lisensya para sa mga stand-alone na pasilidad na nagbibigay ng mga serbisyo sa pangunahing pangangalaga.
Sinisikap ng mga Primary Care facilities na bigyan ang komunidad na pinaglilingkuran nito ng paunang pakikipag-ugnayan, naa-access, tuloy-tuloy, komprehensibo, at pinag-ugnay na mga serbisyo sa pangunahing pangangalaga.
Alinsunod sa Administrative Order No. 2020 – 0047, ang paglilisensya ng PFC ay mahalaga upang matupad ang layunin ng UHC Act na matiyak na ang bawat Pilipino ay may access sa abot-kaya, ligtas at pinakamataas na kalidad ng mga serbisyo sa pangunahing pangangalaga at mga benepisyo sa kalusugan.
Sa oras na magkabisa ang Universal Health Care Law, lahat ng Pilipino ay awtomatikong magiging miyembro ng Philippine Health Insurance Corporation (PhilHealth) at agad na magkakaroon ng karapatan sa mga benepisyo nito. Nilalayon din ng batas na pagsamahin ang mga sistema ng kalusugang panlalawigan at lumikha ng aksyong multi-sectoral na patakaran.
Sa kanyang unang araw sa panunungkulan, muling iginiit ni Mayor Lani Cayetano na isa sa mga layunin ng kanyang administrasyon ay ipagpatuloy ang pagpapalawak ng mga serbisyong pangkalusugan sa lungsod.
“We believe that in order to adapt to the rapidly changing society, we must ensure the health of our community. Health is essential for a society to function; thus, we will continue to create effective and inclusive health programs for our citizens in Taguig City,” pahayag ni Mayor Lani Cayetano.
