Swiatek napaluha na lamang matapos talunin siya ni Pegula sa United Cup sa Australia

Napaiyak na lamang si tennis world number one Iga Swiatek matapos talunin siya ni Jessica Pegula sa United Cup sa Sydney, Australia.

Nakuha ng world number 3 na American ang score na 6-2, 6-2 para tuluyang talunin si Swiatek.

Dahil dito ay magiging maganda ang panimula ni Pegula sa pagsabak niya sa Australian Open sa susunod na linggo.

Sinabi naman ni Swiatek na hindi na siya nagulat dahil sa alam niya ang kagalingan ni Pegula.