Nanawagan si Speaker Ferdinand Martin Romualdez sa mga miyembro ng Regional Peace and Order Council ng Region 8 (RPOC-8) na itaguyod ang mas ligtas at mas maunlad na Eastern Visayas sa pamamagitan ng sama-samang pagbuo ng desisyon.
Iginiit ni Romualdez ang kahalagahan ng konseho sa pagpapanatili ng kapayapaan sa rehiyon.
“Our convening today underscores our shared commitment to addressing the most pressing concerns of our region, from the state of criminality and peace and order to the challenges of drug-related issues and insurgency. Such issues not only impact Region 8 but reverberate throughout our nation,” ani Speaker Romualdez.
Sinabi rin ni Romualdez na siyang kinatawan mula sa Tacloban City na bilang mga lider, ang kanilang mga pag-uusap at estratehiyang napagkasunduan ay mayroong implikasyon sa publiko.
“Let us approach today’s discussions with empathy, foresight, and determination. Together, let’s shape a future where peace, order, and prosperity are not just ideals but realities for every resident of Eastern Visayas,” pahayag ni Romualdez.
Ang RPOC ay nagsisilbing plataporma ng gobyerno para mapagtibay ang ugnayan ng mga lokal na pamahalaan, mga ahensyang may kaugnayan sa pagpapatupad ng batas, at komunidad sa paglaban sa kriminalidad, ipinagbabawal na gamot, paglaban sa gobyerno at karahasan.
Ito ay binubuo ng mga gubernador, alkalde ng mga highly urbanized city, mga pangulo ng Leagues of Municipalities, isang kinatawan ng mga mayor ng CC, mga regional counterpart ng mga departamento, tanggapan, at ahensya kasama ang NPOC, kumander ng AFP Infantry Division, at tatlong accredited CSO.
Ang konseho ay pinamumunuan ng pinsan ni Speaker Romualdez na si Tacloban City Mayor Alfred Romualdez samantalang ang regional director ng PNP at AFP Infantry Division Commander bilang co-vice chairperson.
