Nananawagan sa pamahalaan ang isang kongresista na maging hospitable at compassionate sa mga banyagang stranded sa Pilipinas dahil sa umiiral na travel restrictions bunsod ng COVID-19 pandemic.
Inihain ni Bohol Rep. Alexei Tutor nitong araw, Enero 11, 2021, ang House Resolution No. 1466 para himukin ang iba’t ibang ahensya ng pamahalaan na magpaabot ng tulong sa mga foreign national na nagpaso na ang kanilang visa o alien certificates of registrations habang stranded sa Pilipinas.
“I appeal to the Department of Tourism and Department of Foreign Affairs to intercede with the Department of Justice and Bureau of Immigration on behalf of foreign passport holders with Filipino blood, foreign tourists, foreign investors, and other foreign nationals who have been unable to return to their homelands because of the coronavirus pandemic and community quarantines,” ani Tutor.
Kung maari, huwag naman daw sanang ituring ang mga foreign nationals na ito bilang overstaying aliens o criminals dahil sa wala naman silang ibang choice kundi manatili sa Pilipinas dahil sa hindi pa sila makakalabas ng bansa bunsod ng mga travel restrictions na umiiral sa gitna ng pandemya.
Ayon kay Tutor, ilang foreign nationals na stranded sa Pilipinas ay halos wala na ring hawak na pera.
Kaya kung maari ay ma-waive na muna ang penalties na posibleng kaharapin ng mga foreign nationals na ito basta mayroon namang maibigay na valid reason.
Bukod sa mga ahensya ng pamahalaan, nananawagan din ang kongresista sa House Committee on Tourism, Foreign Affairs, at Justice na gamitin ang kanilang oversight function at i-assess ang status at living conditions ng mga foreign nationals na ito na stranded sa Pilipinas.
