Nakalabas na sa Manila Doctors Hospital si Sen. Leila de Lima matapos ang major surgery.
Agad isinakay ang senadora sa Philippine National Police Coaster at ibinalik sa PNP Custodial Center sa Camp Crame, Quezon City.
Nakarating ito dakong ala-1:00 sa pasilidad ng Camp Crame.
Una rito, pinayagan ng Muntinlupa Regional Trial Court Branch 204 ang mosyon ni De Lima para sa medical furlough noong June 19 at June 25 dahil sa surgery at hospital confinement.
Dumating ito sa Manila Doctors Hospital in Manila noong Lunes at sumailalim sa major surgical procedure.
Kung maalala, Pebrero 2017 pa nakakulong si De Lima sa PNP Custodial Center dahil sa alegasyon illegal drug trade sa New Bilibid Prison (NBP) noong ito ay kalihim pa ng Department of Justice (DoJ).
