-- Advertisements --
Nakatakdang ipatawag sa House of Representatives ng Amerika si Secretary of State Mike Pompeo matapos na bigo itong maglabas ng mga dokumento sa usapin na may kinalaman sa Ukraine.
Ipinapadalo ng chairmen ng House Foreign Affairs, Intelligence and Oversight committees si Pompeo sa darating na Oktubre 4.
Ang subpoena ay inilabas nina Rep. Adam Schiff, Eliot Engel at Elijah Cummings.
Una ng sinulatan ng nasabing mga mambabatas si Pompeo noong Setyembre 9 at hinihingi nila ang ibang detalye ng pag-pressure ni US President Donald Trump sa Ukrainian government.
Nauna rito tinawag ni Trump na isang malaking pamumulitika ang impeachment laban sa kaniya.
