SBP iaanunsiyo na ang bagong coach ng Gilas Pilipinas

Nakatakdang i-anunsiyo ng Samahang Basketball ng Pilipinas (SBP) ang magiging bago at pang-matagalang head coach ng Gilas Pilipinas.

Sinabi ni SBP President Al Panlilio., na isasabay din nila ang listahan ng manlalaro na sasabak sa ilang mga torneo sa ibang bansa.

Unang sasabak kasi ang Gilas Pilipinas sa FIBA Asia Cup qualifiers sa Pebrero 22.

Dadayuhin ng Gilas ang Hong Kong sa kanilang at pagkatapos nito ay gaganapin sa Piipinas ang laban ng Gilas kontra Chinese-Taipei.

Sa buwan naman ng Hulyo ay gaganapin ang Olympic Qualifying Tournament sa Riga, Latvia kung saan may huling pagkakataon ang Pilipinas na makasama sa Paris Olympics.