Russian President Putin tinawagan ang lider ng Iran at Syria para tulungang mapahinto ang giyera sa Israel

Tinawagan ni Russian President Vladimir Putin ang limang mga matataas na opisyal sa Arab nations kabilang na ang Iran.

Ayon sa Kremlin na nakausap ni Putin sa telepono sina Iranian President Ebrahim Raisi at Syrian President Bashar al-Assad.

Plano din nitong tawagan sina Egyptian President Abdel Fattah al-Sisi, Abbas at Israeli Prime Minister Benjamin Netanyahu.

Nais ni Putin na maging susi para sa tuluyan ng matigil ang kaguluhan sa Israel.

Isa rin sa natalakay ni Putin at Assad ay ang pagdaan ng humanitarian aid sa Gaza.

Nakatakda namang bumisita ng personal si Putin sa China sa mga susunod na araw para mapalalim pa ang ugnayan ng dalawang bansa.