Sweep no more!
Hindi na magiging undefeated ang Creamline Cool Smashers ngayong 2024 All-Filipino Conference matapos talunin sa straight sets ng Chery Tiggo Crossovers.
Matatandaan na undefeated ang Creamline noong nakaraang taon sa 2023 All-Filipino Conference kung saan sila rin ang itinanghal na kampeon.
Sa score na 25-18, 26-24, at 25-23, umuwi nang may galak ang Chery Tiggo Crossovers matapos talunin ang Creamline Cool Smashers sa elimination round nito sa Sta. Rosa Sports Complex ngayong Sabado, March 16.
Itinanghal namang player of the game ang libero ng Chery Tiggo na si Jennifer Nierva matapos itong makakuha ng 20 digs at 10 receptions.
Taong 2019 pa nang huling matalo ang Creamline sa straight sets sa laban nito sa Petro Gazz Angels noong 2019 Reinforced Conference.
