Putin tinanggap ang imbitasyon na bumisita sa Vietnam

Tinanggap ni Russian President Vladimir Putin ang imbitasyon para bumisita sa bansang Vietnam.

Sinabi ni party general secretary Nguyen Phu Trong na pumayag ang Russian President noong ito ay kaniyang nakausap sa telepono.

Una ng inimbitahan ni Vietnamese President Vo Van Thuong si Putin habang sila ay nasa China noong Oktubre.

Pangunahing supplier kasi ang Russia ng mga armas sa Vietnam kung saan naging mahigpit na ang kanilang relasyon mula ng panahon ng Soviet Union.