ILOILO CITY – Patuloy pa na pinaghahanap ng Philippine National Police (PNP) ang bigtime scammer sa Western Visayas na si Patrocenio Calvez Chiyuto Jr alyas Don Chiyuto na Chief Executive Officer ng Double Your Money Investment Scheme matapos umanong kinidnap sa kanyang bahay sa BF Resort Village sa Las Piñas City.
Sa eksklusibong panayam ng Bombo Radyo Iloilo kay PNP spokesman Brigadier General Ildebrandi Usana, sinabi nito na humingi ng tulong ang live in partner ni Chiyuto na si Diana Custodio Cortez matapos dinukot umano ang bigtime scammer.
Kaagad namang nagsagawa ng operasyon ang Criminal Investigation and Detection Group at National Capital Regional Police Office kung saan kaagad na nahuli sa Barangay Bangkal, Makati City sina Cyryl Nolan Malana, Maverick Edroll Sapitanan, Celso Dela Cruz, Gao Ya Qiong isang Chinese Citizen, at pulis na si Senior Master Sgt. Felipe Jimenez.
Sa ngayon nananatiling missing si Chiyuto.
