Nangako ng USD200,000 o humigit-kumulang PHP11.1 milyon ang gobyerno ng Pilipinas para sa United Nations Central Emergency Response Fund (CERF) , ayon yan sa Department of Foreign Affairs (DFA).
Ang anunsyo ay ginawa ng Permanent Representative sa United Nations na si Antonio Lagdameo sa CERF High-Level Pledging Event (HLPE) para sa taong 2023.
Ang kaganapan, sa pangunguna ng UN Office for the Coordination of Humanitarian Affairs (UN OCHA), ay naglalayon na pakilusin ang mga mapagkukunang pinansyal upang matiyak na Central Emergency Response Fund ang ay mahusay na nakaposisyon bilang isa sa mga pinaka-epektibong pamamaraan na tulong sa mamamayan.
Hinikayat niya ang iba pang umuunlad na bansa na suportahan ang UN Office for the Coordination of Humanitarian Affairs at mag-ambag sa pondo.
Ang Central Emergency Response Fund ay isa sa pinakamabisa at pinakamabilis na mekanismong magagamit sa mga ahensya ng UN at kanilang mga kasosyo sa mga bansang apektado ng mga emergencies.
Kung maaalala, noong 2022, ang CERF ay gumanap ng isang mahalagang papel sa pagtugon sa patuloy na tumataas na makataong pangangailangan ng mga taong naiipit saa anumang mga krisis na kinakaharao.
Una na rito, iginiit pa ng Dept of Foreign Affairs, nang hagupitin ng Super Typhoon Odette ang mga komunidad sa baybayin sa Pilipinas noong Disyembre 2021, ang CERF ay naglaan ng $12 million dollar para magbigay ng life-saving humanitarian assistance sa mga pinaka-apektadong tao na nanasalanta ng nasabing bagyo. | Bombo Allaiza Eclarinal
