Phivolcs, walang na-detect na banta ng tsunami matapos yanigin ng 6.7 magnitude na lindol ang Mariana Islands ngayong Biyernes ng gabi

Iniulat ng Philippine Institute of Volcanology and Seismology (Phivolcs) na wala silang na-detect banta ng tsunami sa Pilipinas matapos ang malakas na lindol na tumama sa Mariana Islands ngayong Biyernes ng gabi, Abril 5.

Sinabi ng Phivolcs na tumama ang 6.7-magnitude na lindol kaninang alas-7:03 ng gabi.

Ipinaliwanag ng Phivolcs na ang tsunami ay isang serye ng mga alon ng dagat na karaniwang nalilikha ng mga lindol sa ilalim ng dagat at maaaring umabot mahigit sa 5 metro ang taas.