-- Advertisements --
Pinuri ni Philippine Red Cross Chairman Richard Gordon ang dedikasyon ng mga tauhan at volunteers sa pagsuporta at pagiging katuwang sa nagdaang halalan.
Ayon kay Gordon, nagsilbi sila nang may lakas at tiyaga sa kabila ng matinding init, pinanatili ang kanilang commitment sa pagbibigay ng tulong sa mamamayan.
Ang PRC chapters sa buong bansa ay nagbigay ng medical support, tumugon sa posibleng karahasan, at naghatid ng serbisyong pangkalinga sa mga nangangailangan.
Ang presensya ng PRC sa mga delikadong lugar ay nagpatibay sa kanilang misyon ng pampublikong serbisyo at kahandaan sa sakuna.
Maliban dito, nariyan din ang ilang fire volunteers at iba pang kusang tumugon sa ilang pangyayari noong araw ng halalan.
