Ibinasura ng Supreme Court (SC) ang petisyon na humihiling na mabaliktad ang naging findings ng Office of the Ombudsman sa kaso laban kina dating Pangulong Noynoy Aquino, dating PNP Chief Alan Purisima, PNP-Special Action Force (SAF) Chief Getulio Napeñas at iba pang respondents sa kaso na nag-ugat sa pagkamatay ng mga elite police forces sa isinagawang operasyon sa Mamasapano, Maguindnao para huliin noon ang Malaysian bomb maker na si Zulkifli bin hir alyas Marwan.
Sa ipinatawag na press conference ni SC Spokesman Brian Hosaka, sinabi nitong sa botong 15-0, ibinasura ng SC ang petition for certiorari na inihain ng mga private individuals at Volunteers Against Crime and Corruption (VACC) sa Office of the Ombudsman sa ilalim ng Rule 65 ng Rules of Court.
Iginiit ng SC na walang probable cause para kasuhan ang mga respondents.
Ang mga akusado ay sinampahan ng mga kasong reckless imprudence resulting in multiple homicide.
Ipinunto ng kataas-taasang hukuman na walang nagyaring grave abuse of discretion sa panig ng Ombudsman dahil nang ibasura ang naturang reklamo.
“WHEREFORE, the petition is DISMISSED. The Ombudsman’s Consolidated Resolution dated June 13, 2017 and Consolidated Order dated September 5, 2017 issued in OMB-C-C-16-0419, OMB-C-C-16-0435, and OMB-C-C-16-0448 are AFFIRMED insofar as they found no probable cause to charge private respondents Benigno Simeon C. Aquino III, Alan LM. Purisima, and Getulio P. Napenas with reckless imprudence resulting in multiple homicide,” base sa desisyon.
