Darating sa Glan, Sarangani bukas, Hunyo 14 ang Philippine Emergency Medical Assistance Team (PEMAT) upang maghatid ng espesyal na serbisyong medikal at malinis na inuming tubig para sa mga residenteng naapektuhan ng magnitude 7.8 na lindol sa Mindanao.
Ayon sa Department of Health, ang PEMAT mula sa DOH-Cotabato Regional Medical Center ay binubuo ng mga surgeon, obstetrician-gynecologist, emergency medicine specialist, anesthesiologist, pediatrician, at internist.
Kasama rin ang mga nurse, midwife, medical at radiation technologist, physical therapist, mental health specialist, mga inhinyero, at administrative staff.
Magdadala rin ang grupo ng mga gamot laban sa diarrhea at isang gravity-powered ultrafiltration unit na kayang makapagbigay ng libu-libong litro ng malinis at ligtas na inuming tubig para sa mga apektadong komunidad.
