Itinuturing bilang “Big Winner” sa 1st Summer Metro Manila Film Festival (MMFF) ang pelikulang “About Us But Not About Us”.
Sa ginawanag gabi ng parangal ay humakot ang nasabing pelikula ng 10 awards.
Kinabibilangan ito ng “Best Picture”, “Best Director” at “Best Screenplay” para kay Jun Robles Lana, “Best Cinematography”, “Best Editing”, “Best Production Design”, “Best Musical Score” at “Best Sound Design”.
Tinanghal naman ang bida sa nasabing pelikula na si Romnick Sarmenta bilang Best Actor habang si Elijah Canlas na kasama rin sa pelikula ay nakamit ang Special Jury Prize.
Nakuha naman ni Gladys Reyes ang Best Actress Awards para sa pelikulang “Apag” na nakakuha rin ng Best Original Theme Song na “Paralya”.
Mayroong apat na award naman ang nakuha ng pelikulang “Here Comes the Groom” kabilang ang Third Best Pictur, Best Supporting Actor para kay Kempee de Leon, Best Supporting Actress na nakuha ni Jervi Li o kilala bilang Kaladkaren at Special Jury Prize.
Nagtala ng kasaysayan si Kaladkaren dahil siya ang unang transwoman na nakakuha ng nasabing award sa kasaysayan ng MMFF.
Second Best Picture at Best Float ang nakuha ng pelikulang “Love You Long Time”.
Pinangunahan ni international acclaimed actress Dolly de Leoin ang board of jurors ng 2023 Summer MMFF Gabi ng Parangal.
