Panalo ni Blinkova kay Rybakina nagtala ng longest singles match-tiebreak sa kasaysayan ng Grand Slam

Naitala ni tennis world number 57 Anna Blinkova ang upset ng Australian Open matapos na talunin si Elena Rybakina.

Nakuha ng Russian tennis star ang score na 6-4, 4-6, 7-6[20] sa ikalawang round.

Sa nasabing laro din ay naitala ang pinakamahabang singles match-tiebreak sa kasaysayan ng Grand Slam.

Mayroong kabuuang 42 point match-tiebreak na nalagpasan ang 38-point tiebreak na naitala nina Lesia Tsurenko at Ana Bogdan sa Wimbledon at ang laban nina Jo-Wilfried Tsonga at Andy Roddick noong 2007 Australian Open.

Tumagal ang nasabing laro na 2 oras at 46 minuto.

Sinabi ni Blinkova na ang nasabing laro ay hindi niya makakalimutan sa buhay niya.

Susunod na makakaharap nito sa ikatlong round si Jasmine Paolini ng Italy.