-- Advertisements --
Naging emosyonal si Vanessa Bryant ng tanggapin nito ang Naismith Memorial Basketball Hall of Fame para sa pumanaw na asawang NBA legend Kobe Bryant.
Kasama niya sa stage si NBA superstar Michae Jordan.
Kahit na hindi na nagsalita si Jordan ay naging mahalaga ang presensiya nito sa taas ng stage dahil iniidolo ni Bryant ang Chicago Bulls star.
Sa kaniyang talumpati, binati ni Vanessa ang asawa at kahit na wala na ito ay nakikita pa rin nito ang presensiya niya sa pagtanggap ng nasabing award.
Magugunitang pumanaw si Bryant kasama ang anak nitong si Gianna at pitong iba pa noong Enero 2020 ng bumagsak ang sinasakyan nilang helicopter.
