Ipinaliwanag
ng Department of Justice (DoJ) na kailangan pa ring
pairalin ang rule of law at hindi puwedeng agad mang-aresto ang mga
otoridad sakaling may magsampa ng impeachment complaint laban Kay
Pangulong Rodrigo Duterte.
Ito ang reaksiyon
ni Justice Secretary Menardo Guevarra sa naging pahayag ni PNP Chief
Oscar Albayalde kaugnay sa kahandaan ng PNP na arestuhin ang mga
maghahain ng impeachment complaint kay Duterte sakaling iutos mismo
ito ng pangulo.
Ipinaliwanag ng kalihim na ang paghahain
anya ng impeachment complaint ay isang lawful act kung mayroon itong
sapat na batayan.
Nauna nang naungkat ang usapin ng
impeachment laban kay Pangulong Duterte dahil sa naging pahayag nito
na papayagan ang mga Chinese
na mangisda sa West Philippine Sea, dahil magkaibigan ang China at
Pilipinas.
Matapos nito ay sinabi ni dating Foreign
Affairs Secretary Albert del Rosario na dahil diyan ay maaaring
masampahan ng impeachment complaint ang pangulo.
