Hinimok ni Cagayan de Oro Rep. Rufus Rodriguez ang Department of Justice (DOJ) na i-review ang dismissal sa criminal complaints laban sa dalawang dating Philippine Military Academy (PMA) officials na may kaugnayan sa pagkamatay ni cadet Darwin Dormitorio.
“Justice Secretary Menardo Guevarra should review and if possible reverse the findings of his Baguio prosecutors. The Anti-Hazing Law clearly holds responsible those who could have prevented hazing activities but have not done so,” ani Rodriguez.
Partikular na tinukoy ng kongresista sina PMA superintendent Lt. Gen. Ronnie Evangelista at dating commandant ng cadet corps na si Brig. Gen. Vicente Bacarro, na kapwa inabsuwelto ng prosecutors dahil sa kakulangan ng probable cause.
Mababatid na kapwa nagbitiw sa kanilang puwesto sina Evangelista at Bacarro noong Setyembre ng nakaraang taon kasunod nang pagkamatay ni Dormitorio.
Ayon kay Rodriguez, natukoy ng National Bureau of Investigation (NBI) na hindi kumilos ang mga top PMA officials para maiwasan ang pagmamaltrato kay Dormitorio sa kabila ng reklamo na kanilang natanggap.
Tinukoy ng kongresista ang pahayag ni NBI Regional Dir. Hector Eduardo Geologo kung saan sinabi nito na hindi kumilos ang mga opisyal ng PMA sa reklamong torture at hazing.
