-- Advertisements --
Nakumpiska ng mga otoridad mula Bacoor City police ang 16 na pirasong teabags na hinihinalang naglalaman ng shabu sa Molino Blvd., Corner Aguinaldo Highway, Brgy. Talaba 4, Bacoor, Cavite.
Sa isinagawang buy bust operation ng mga kawani mula PDEA SES, PDEA NCR, PDEA 4A, PDEA 9 at SDEU Bacoor CPS ay natimbog ang mga suspek na kinilalang sina Ronie “Boy” Medoniado, Victorio Vida Najera at Annie Rose Lingua.
Tinatayang aabot ng higit-kumulang 15 kilograms ang mga droga na nagkakahalaga umano ng P102-M. Ilan pa sa mga narekober mula sa mga suspek ay boodle money at isang Honda jazz tri-color.
Nabatid na matagal na palang nasa watchlist ng mga otoridad ang mga naturang suspeks bilang High Value Individual.
