Online oathtaking ng mga bagong criminologists nakatakda sa Mayo 7 

Itinakda sa Mayo 7, 2021 ang online oathtaking ng mga pumasa sa Criminologists Licensure Examination.

Ayon sa Professional Regulation Commission (PRC) magsisimula ang online oathtaking ng alas-2:00 ng hapon sa pangunguna ng PRC San Fernando, Pampanga sa pamamagitan ng Zoom.

Pinapaalalahanan ng PRC ang lahat ng mga inductees na magsupt ng formal o business attire at gumamit ng puting backdrop sa online oathtaking ceremony.

Hinimok din ang mga inductees na mag-secure ng online appointment schedule sa http://online.prc.gov.ph and select “e-OATH”.

Obligado rin ang mga ito na i-print ang “Oath of Professional” form na makukuha mula sa PRC Online Services.