NTC nagbabala sa publiko na mag-ingat laban sa job text scams

Inatasan ng National Telecommunications Commission (NTC) ang mga telco firm sa bansa na bigyan ng babala ang publiko laban sa “job text scam” sa pamamagitan ng pagpapadala sa kanila ng mga mensahe mula Mayo 28 hanggang Hunyo 4.

Sinabi ng ahensya na ito ay alinsunod sa pagsisikap nitong palakasin ang information drive nito laban sa paglaganap ng mga pekeng job text scam.

Inutusan ng NTC ang iba’t ibang networks na magsumite ng compliance report bago ang Hunyo 8.

Inutusan din nito ang lahat ng NTC Regional Directors at Officers-in-Charge na lumabas sa mga programa sa radyo at TV upang bigyan ng babala ang publiko laban sa scam.