Pasok na sa 2026 NBA Finals ang New York Knicks matapos nilang i-sweep (4-0) ang Cleveland Cavaliers sa Eastern Conference Finals. Sa Game 4, nagpakita ang Knicks ng dominanteng laro at tinapos ang serye sa iskor na 130-93, hawak ang 37-point na kalamangan.
Nanguna si Karl-Anthony Towns na may 19 points, 14 rebounds, 2 steals, at 2 blocks, habang nagdagdag si Jalen Brunson ng 15 points at 5 assists.
Sa kabila ng 31 points ni Donovan Mitchell, hindi nakabawi ang Cavaliers, at nalimitahan pa si James Harden sa 12 points.
Ito ang unang pagkakataon na muling nakabalik sa Finals ang Knicks matapos ang 27-taong paghihintay, huling nakapasok noong 1999.
Hawak din ng koponan ang 11-game playoff winning streak ngayong season, na lalong nagpapatibay sa kanilang kampanya.
Ngayon, hinihintay ng Knicks ang mananalo sa serye sa pagitan ng San Antonio Spurs at Oklahoma City Thunder upang makaharap sa Finals.
