Bumaba ng 9.3% ang net external liabilities ng Pilipinas sa ikatlong quarter ng 2025, batay sa preliminary data ng Balance Sheet Approach (BSA).
Mula P3.6 trilyon noong Q2 2025, bumaba ito sa P3.3 trilyon sa Q3 2025.
Ang pagbaba ay dulot ng mas mataas na investments ng Bangko Sentral ng Pilipinas (BSP) at iba pang depository corporations sa foreign debt instruments, kahit na bahagyang nabawasan ng pagtaas ng government securities at loans ng pamahalaan sa mga nonresidents.
Nagpakita ng mas matatag na net creditor positions ang BSP at iba pang depository corporations, bunga ng mas mataas na hawak na nonresident-issued debt securities at mas mababang deposit liabilities.
Samantala, lumaki naman ang net debtor position ng general government dahil sa mas mataas na hawak ng nonresidents sa government securities, dagdag na loan obligations, at mas mababang deposits sa BSP.
Tinatayang 68.9% ng obligasyon ng pamahalaan ay denominated sa domestic currency, na nakatulong upang mabawasan ang panganib mula sa exchange rate fluctuations.
Ang Balance Sheet Approach, na binuo ng International Monetary Fund (IMF) noong 2002, ay ginagamit bilang financial stability surveillance tool upang masubaybayan ang posibleng kahinaan ng iba’t ibang sektor ng ekonomiya at ang kanilang ugnayan.
