Inanunsyo ni Metro Manila Council (MMC) President at San Juan City Mayor Francis Zamora na inaprubahan na ng konseho ang pagbabago ng Unified Vehicle Volume Reduction Program (UVVRP) o ang number coding scheme.
Ito ay upang mabawasan ang pagsisikip ng trapiko sa mga lansangan sa Metro Manila.
Sa isang mensahe, inilathala ni Zamora ang Metropolitan Manila Development Authority (MMDA) Regulation No. 22-003 na nag-aamyenda sa MMDA Resolution No. 22-14, Series of 2022 at ang Joint Metro Manila Traffic Code Circular No. 01, sa pagpapatupad ng Unified Vehicle Volume Reduction Program.
Ayon sa kautusan, ipinatutupad ang number coding scheme mula alas-7 ng umaga hanggang alas-10 ng umaga at mula alas-5 ng hapon hanggang 8 p.m. na magiging 7 a.m. hanggang 10 p.m.
Ang mga pag-aaral na ginawa ukol sa trapiko ay nagpapakita na ang pagsisikip ng ahensya ay hindi lamang limitado sa mga itinalagang peak period.
Una nang sinabi ng konseho na ang nalalapit na “ber” months ay naging salik din sa pagpasa ng nasabing kautusan dahil karamihan sa mga tao ay madalas na lumalabas ng kanilang mga tahanan upang ipagdiwang ang Yuletide season.
