Missile at drones na inilunsad mula sa Yemen naharang ng warship ng US

Naharang ng US Navy warship ang ilang missiles at drones na inilunsad mula sa Yemen ng Iran-aligend Houthi movements.

Ayon kay Pentagon spokesperson Brigadier General Patrick Ryde naniniwala sila patungong Israel ang nasabing missile.

Gamit ang kanilang USS Carney na isang guided-missile destroyer na nag-ooperate sa Red Sea ay kanilang naharang ang nasabing missile.

Dagdag pa nito na ang mga sundalo ng US na nakatalaga din sa Iraq at Syria ay makailang beses na ring inatake sa mga nagdaang araw.

Nakaalerto rin ang US sa aktibidad ng mga grupo na suportado ng Iran habang patuloy ang pag-atake ng Israel sa mga Hamas militants na nasa Gaza.