Mga opisyal ng Hamas at CIA Director na sa Egypt na para isulong ang usaping pangkapayapaan sa Gaza

Nasa Cairo, Egypt na si CIA Director William Burns, para makipagpulong sa ilang opisyal ng Qatar, Egypt sa isinusulong ng usaping pangkapayapaan sa Gaza.

Ang nasabing mga bansa kasi ay nagsisilbing mediator para mapapayag ang Israel at Hamas sa panibagong tigil putukan.

Kinumpirma rin ng Hamas na mayroon na silang mga opisyal na nagtungo sa Egypt para makipagpulong.

Magugunitang ilang mga bansa ang nagsusulong ng usaping pangkapayapaan sa pagitan ng Hamas at Israel.