Nadagdagan pa ang bilang ng mga nasawi dahil sa pananalasa ng Severe Tropical Storm Paeng.
Sa data mula sa National Disaster Risk Reduction and Management Council, dalawa pa ang naidagdag na namatay kaya lumobo na sa 112 ang namatay.
Nananatili namang missing o nawawala ang 34 katao.
Sa report ng NDRRMC, 82 sa mga namatay ay nakumpirma na habang ang 30 ay patuloy pang bina-validate.
Karamihan sa mga naitalang namatay ay mula sa Bangsamoro Autonomous Region in Muslim Mindanao (BARMM) na mayroong 61 confirmed fatalities.
Sinundad ito ng Region 6 na mayroong 18 kumpirmadong namatay at tatlo naman sa Region 12.
Sinabi ng ahensiya na nasa 103 na katao ang napaulat namang sugatan habang 65 ang kumpirmadong sugatan at 38 ang patuloy na bina-validate.
Sa pinakahuling pagtaya g NDRRMC, ang estimated damage sa sektor ng agrikultura ay lumobo na sa P1,345,109,950.
