Naalarma ang grupo ng mental health experts at advocates matapos lumabas ang ulat na tumaas ang kaso ng suicide o pagpapakamatay sa bansa mula nang pumutok ang COVID-19 pandemic.
Ayon sa MentalHealthPH, mas dapat pag-usapan ang issue ng suicide ngayon lalo na’t nakaapekto na rin sa kalusugan ng pag-iisip ng ilang Pilipino ang pandemya.
“Preventing suicide should be a national imperative… The recent pronouncements that suicide ‘raises an alarm’ to our government’s attention paves the way for more discussions with key stakeholders.”
Kinikilala naman daw ng grupo ang papel ng religious leaders para maging balanse ang pagpapaunlad ng bansa, pero sana raw ay huwag kalimutan ng gobyerno na may mga ekspertong mas may kakayahang humawak ng mga problemang may kinalaman sa mental health.
“Let us also not forget our important frontliners – psychiatrists, psychologists, psychometricians, guidance counselors and other mental health professionals and other allied health care workers – who are at their best in innovating approaches to tackle the psychological toll of COVID-19 such as suicide.”
Bukod sa mga eksperto, malaki rin umano ang papel ng pamilya, support system tulad ng mga kaibigan, at komunidad para maagapan ang suicide. Kaya payo ng grupo, laging kumustahin ang mga kaibigan at kapamilya.
“Now more than ever, it is high time for our government agencies, nongovernmental organizations and private sector members to work together in promoting and protecting every Filipino’s mental health and well-being.”
“One life lost to suicide is one life too many and the time to act is now.”
Kung maalala, umapela si Justice Sec. Menardo Guevarra sa simbahan at spiritual leaders para bigyan ng counseling ang mga nakakaranas ng depression.
Ayon sa MentalHealthPH, maaaring tumawag ang sino mang nakakaramdam ng labis na pagkalungkot at iba pa, sa libreng crisis hotlines:
-National Center for Mental Health (NCMH): 0917-899-8727 or 7-9898727
-Philippine Red Cross: 1158
-In-Touch Crisis Line: 8-893-7603, 0917-800-1123, or 0922-893-8944
Maaari rin daw bumisita sa website ng Psychological Association of the Philippines at NCMH para sa listahan ng libreng online services.
