Marcos mas nais ang ayuda kaysa pagtanggal ng excise tax sa mga langis

Mas pipiliin ni President-elect Ferdinand “Bongbong” Marcos Jr na mamahagi ng ayuda sa mga apektadong sektor dahil sa pagtaas ng mga presyo ng langis sa bansa.

Ito ang nakikitang solusyon ni Marcos kaysa tanggalin ang excise tax sa mga langis sa bansa.

Isa sa binigyan niyang prioridad ay ang mga nasa transport sectors na labis na naapektuhan ng patuloy na pagtaas ng presyo ng langis.

Tinitignan din nito na para mapabilis ang distribusyon ng ayuda ay dapat maipatupad na ang national ID.