Ni-reshuffle ng National Bureau of Investigation ang mga pangunahing opisyal at ahente nito kasunod ng pagsisiyasat ng publiko sa mga anomalya sa kawanihan.
Nilagdaan ni NBI Director Medardo de Lemos ang 52 special orders para sa appointment alinsunod sa NBI modernization law o Republic Act 10867.
Si Joselito Amon ay hinirang na officer-in-charge of the office of the deputy director for legal service habang si Jose Doloiras ay umako sa posisyon ng assistant director for human resource and management service.
Si Angelito Magno, na kasalukuyang humahawak sa tungkulin ng assistant director para sa regional service, ay itinalaga rin bilang chairperson ng regular bids and awards committee.
Napili si Noel Bocaling bilang assistant director ng comptroller service.
Bilang karagdagan sa mga appointment na ito, nagsagawa si De Lemos ng komprehensibong reshuffle ng 48 ahente.
Kabilang dito ang mga regional director mula sa mga opisina ng NBI na matatagpuan sa iba’t ibang probinsya, gayundin ang mga assistant regional director, executive officer at line agent.
Ang revamp ay naganap matapos ang inmate na si Jose Adrian Dera ay napag-alamang ini-escort palabas ng NBI’s detention center, pati na ang issue sa isang sexy dance na tinanghal sa fellowship night ng command conference ng kawanihan.
