Naibulsa ng Lyceum of the Philippines University ang kampeyonato sa Collegiate Center for Esports (CCE) Mobile Legends: Bang Bang 5-on-5 Varsity Cup (MVC) matapos pataubin ang Mapua University sa standing na 4-2 sa Grand Finals clash.
Ang Lyceum ay undefeated at tinalo ang walong iba pang NCAA schools bago makuha ang titulo.
Naibulsa ng Lyceum ang Game 1 matapos ang huling lord take at nakuha lamang ng Mapua ang tatlo sa kanilang turrets.
Nakabawi naman ang Mapua sa Game 2 para maitabla ang serye na nakapagtala ng 24 kills laban sa siyam na kills ng Lyceum.
Dinomina naman ng Lyceum ang Game 3 na mayroong 19 kills habang siyam lamang ang sa Mapua.
Nakontrol naman ng Mapua ang Game 4.
Pero nakabawi naman ang Lyceum hanggang sa maabot ang match point.
Muling nakuha ng Mapua ang panalo sa Game 5 pero tinapos na ito ng Lyceum sa Game 6.
