Nagpahayag ang South Korea ng suporta upang pondohan ang mga proyekto na maghahatid sa digital transformation ng Pilipinas sa pamamagitan ng imprastraktura, digital na ekonomiya, at pagbuo ng mga e-skilled individuals.
Patuloy na makikipagtulungan ang South Korea sa Pilipinas sa pagtataguyod ng digital transformation sa bawat sektor, kabilang ang e-skill education and training, IT (information technology) infrastructure, at digital economy.
Ang Embahada ng Republika ng Korea sa Pilipinas ay nagsabi na ang South Korea, sa pakikipagtulungan sa Department of Information and Communications Technology (DICT), ay bahagi ng isang pag-aaral na nagpapalawak ng broadband infrastructure sa Luzon.
Sinabi ng Embahada na kasalukuyang nagsasagawa ang South Korea ng $550,000 feasibility study para sa pagpapalawak ng National Broadband Infrastructure sa Ilocos, Cagayan Valley, MIMAROPA, at Bicol.
Susuportahan din ng South Korea ang financing ng $130-million na proyekto para mag-install ng broadband lines at telecommunication equipment sa nasabing mga lugar.
Noong Mayo 2019, nangunguna ang South Korea sa mundo para sa bilis ng pag-download ng mobile ayon sa Speedtest Global Index ng Ookla na may average na bilis ng pag-download na 76.74 kasunod ng paglulunsad ng mga serbisyong 5G noong Abril ng parehong taon.
