KORONADAL CITY – Pansamantalang sinuspende ang klase sa Sta Cruz Mission Lem Ehek High School sa bayan ng Lake Sebu,South Cotabato matapos na saniban umano ang halos 20 estudyante.
Ito ang kinumpirma ni Mayor Floro Gandam sa eksklusibong panayam ng Bombo Radyo Koronadal.
Ayon kay Mayor Gandam, sa halos 20 mga estudyante, nasa 18 ang dinala sa emergency ng Municipal Hospital habang ang iba ay dinala naman sa RHU.
Matapos umanong magwala ang mga estudyante ay nanghinahina ang mga ito kaya’t agad na nilapatan ng lunas.
Agad naman na sinuspende ang klase sa buong paaralan habang inaalam pa ang kondisyon ng mga estudyante.
Aminado naman si Mayor Gandam na may mga lumang classroom ang nabanggit na paaralan na kailangan na palitan.
Ito ay maliban sa mga malalaking punong kahoy sa palibot ng paaralan.
