-- Advertisements --
Kinumpirma ni Allan K na pumanaw na ang kapwa komedyante nito na si Kim Idol sa edad n 41.
Ayon kay Allan K o Alan Joveness Quilantang sa tunay na buhay, hindi niya malilimutan si Kim (Michael Argente, tunay na pangalan), bilang isa sa magaling na komedyante “on and off the camera.”
Nabatid na apat na araw munang na-confine sa ospital ang komedyante dahil sa brain condition na arteriovenous malformation (AVM) kung saan hindi maayos ang daloy ng blood vessels kaya nahaharangan din ang magandang daloy ng dugo at oxygen sa katawan.
Taong 2015 nang unang isapubliko ng komedyante ang pagkakaroon niya ng AVM.
Lumala naman ang sakit nito ng magpa-CT scan dahil sa pagdurugo sa kaniyang utak.
