Arestado ang isang 41 anyos na fire volunteer matapos na mahulian ng hinihinalang shabu na tinatayang may street value na P23.4 million sa ikinasang drug operation sa may Paranaque city ngayong araw.
Ayon kay Southern Police District (SPD) Director, Brig. Gen. Kirby John Kraft, naaresto ang suspek na natukoy na si Jonnie Romo sa buy bust operation sa may Balimbing street, Phase 3, olivarez Compound, Barangay San Isidro.
Nasabat mula kay Romo ang 8 plastic sachet na naglalaman ng shabu , 2 selyadong medium-sized plastic tea bags na may label na Guar Yun Wang, P1,000 buy bust money at iba pang paraphernalia.
Ang nasamsam na iligal na droga ay may tinatayang timbang na 3,450 gramo at may standard drug price na nagkakahalaga ng P23,460,000.
Ayon kay Kraft isasampa ang drug charges laban sa suspek na kasalukuyang nakadetine sa Parañaque City Police Station.
