CEBU – Emosyonal na isinalaysay ng isang pastor na COVID-19 survivor sa United Kingdom ang karanasan nito nang magpositibo siya sa naturang sakit.
Sa eksklusibong panayam ng Bombo Radyo Cebu kay Pastor Lee McClelland ng The Ark Church Belfast, sinabi nito na isang himala ang kanyang naranasan habang lumalaban sa naturang sakit.
Nagpakita raw kasi sa kanya ang Panginoon bilang isang hospital cleaner, na siya namang pinaghugutan niya ng lakas para makapa-recover sa COVID-19.
Binisita aniya siya ng Panginoon sa kanyang kwarto at inanyayahan na magdasal, at pagkatapos nito ay gumaan aniya ang kanyang naging pakiramdam.
Bumalik pa nga aniya ang naturang hospital cleaner sa kanyang silid para dalhan siya ng pagkain.
Samantala, hinikayat nito ang publiko na katulad niya ay huwag ding mawalan ng pag-asa sa kabila ng hirap na dinaranas dahil sa COVID-19.
